我呢張相係咪好靚呀 !!4月8日 一早起身約左班 friend 去九龍灣會展踼波, 天氣唔錯又唔曬, 好適合踢波, 等齊人即刻開波, 連續踢左兩個鐘頭都冇休息, 勁呀 !! 今日雖然我無入到波不過都踢得好開心, 之後走左去沖涼, 嘩嘩嘩, 舒服晒 ! ^_^
沖涼個時個 friend 話買左部電單車, 咁咪即刻落去睇下先, 好大部好型呀. 佢仲問我想唔想試下, 我當然唔會放過呢個機會啦, 馬上跳上個位戴好頭盔, 呢架車仲比我之前個部重好多, 起步比較慢, 不過後段都幾快 . 我圍住九展兜左一個圈 , 估唔到我係燈位前死火, 好瘀呀 !! 原來我用左4波開車, 架車陣一陣即刻死火, 應該落翻1波先開車, 完全唔記得左添, 好耐未玩過感覺都唔錯, 有沖動即刻買部同佢一齊玩, 不過諗諗下都唔好, 始終電單車比私家車危險, 試完就歸家了.
