Book新天地婚紗相

今日訓醒同肥仔搭巴士去九龍塘新天地.book影婚紗相.今日我地用左酒樓送ge 優惠券join o既plan比我預期平D.好彩無o係婚紗展o個日join咋,如果唔係仲貴呀!
我地加左$2380有20"x24"油畫1幅連架
8"x12"相片20張連相簿套裝
8"x10"相片2張
5"x7"相片2張
4"x5"相片8張
男女各有2套衫.
之後我地再加$1288有好多野揀ge.但我地揀左一件girdle,一件恤衫(呢2樣都可以拎走),一套女裝衫for影相.
29/1試衫
2/3影相
此篇Blog由JoEy本人打的

Book酒樓+影婚紗相

今日終於做左2件最急切要做o既事.Book酒樓+影婚紗相.
2008年12月22 日係我地o既大日子哦!!!!
我地Book左太子始創中心6樓煌府酒家.
婚紗相方面,由於我想影沙灘,所以我地book左親親.2月24日上珠海影.希望呢2個月可以忍一忍唔食咁多野,修一修身.影相出黎都靚D.

此篇由 JOEY 親自寫作的

9個月 + JoEy 生日

仲有3個月就快一年啦 , 真係覺得好快. 仲有 2日就到你生日 , 好苦腦又擔心 . 麥當勞生日會之後我完全冇晒信心 , 你每次提起我都好唔開心 , 可能真係令你太失望 , 我都唔想的冇諗過會咁差勁 , 我只係想你開開心心咁過每天 , 就係咁簡單 . 你冇左班好朋友我都好心痛同為你擔心左好耐好耐 , 我又幫唔到咩野 , 我做到的只係陪你多 D , 同埋攪個生日會可以令你忘記一D唔開心的回憶 , 就係咁簡單我都做得唔好 , 我真係好無用 ,無用 , 無用 . 寫到呢到眼淚已經控制唔到流左出黎 >_<.....

你生日真係唔知同你去邊到好 , 去左一間你唔鍾意的餐廳又怕你唔喜歡 . 其實我覺得去邊到食野都冇咩所謂 , 最緊要係同你一齊過就得 , 所以我決定左15號唔諗食咩野 , 去到邊到你鍾意就坐底食 , 同你一齊就好滿足了.

半年了, yeah^^ - JoEy

時間過得真係好快,話咁快我地已經拍拖半年了.今日我地著住情信裝,大家一放工各自到大埔中心集合.之後去百佳買野做今晚的晚餐.佢話要落廚煮返個愛心扒俾我食,咁我就煮個愛心蛋佢食啦.haha^^好味.
希望我地以為每個月的21號都可以一齊開開心心咁過啦.

4個月啦

仲有幾日不經不覺已經一齊4個月啦 , 同你一齊我覺得好舒服感覺好幸福 , 希望以後都可以同你一齊過就好了 , 呢個係我今個月的願望 .

同埋唔好成日叫我諗野啦 , 我決定同你一齊已經諗得好清楚 , 容忍唔到你我一早已經同你講唔會等到而家先講 , 係咪 !!

3 Months

yeah yeah yeah
We are together with 3 months.
The time is very fast. hehe^3^
May I eat Japanese Dinner with you on 21th of every month ?

Sorry -JoEy

Sorry!
母親節我無去你度食飯,亦無邀請你黎我度食飯,因為我真係唔想咁早見晒家長.o係呢d日子見家長好似唔知點咁.反而平時去你度食飯,你過黎我度食飯都還好.

此篇Blog由JoEy本人打的

好掛住你呀

今日完全唔能夠集中精神做野,好掛住你好想即刻可以攬住你呀 . 唔知點解今日有種感覺, 好驚失去你呀 JoEy !! 唔想 , 唔想 , 可唔可以呀 ?

寂寞的五一

今日一早10:30起身,約左同 JoEy MSN , 點知傾左一陣完全冇晒心機 . 講真我唔係好鍾意用 WEB CAM 傾計 , 用 CAM 講野時我感覺好唔自然 , 完全好似唔係自己一樣, 真係唔知點解 ????
SORRY 呀 , 我諗我又令你有D 唔開心 , 完全唔明白你個心諗緊 D 咩 , 我真是一個大傻瓜 , 又低 B . 我覺得你好唔開心咁 OFFLINE , 當時即刻覺得好寂寞及孤獨 , 好想即刻攬住你呀 , 不過只是發夢 , 因為你都唔係我身邊 .

我地可唔可以後都唔好咁樣呀 , 因為我個心會好唔舒服 , 完全想死一樣 ,冇晒心機 , 可唔可以呀 ?

打羽毛球

4月26日上午突然有個客 call 我上去東莞 , 諗住趕唔切返香港打羽毛球 , 點知到最後都打倒 . 成年都未打個 , 第二日起身 , 成隻右手勁酸痛 , 完全冇晒力 .

我地之後已經約左逢星期三打羽毛球 , 都唔錯順便做下運動減下肥 , 哈哈 !

整翻好架車啦

4 月初因轉彎可能太快 , 加上個日落過雨地下濕濕地 , 咁樣咪試過甩尾+飄移 , 邊知右邊車頭撞左埋牆 , 好彩個人無事 , 最感動就是 JoEy 即刻過黎培我 , 多謝晒 !! 等左 3 個星期終於整好 , 不過使左唔少錢 , 慘慘慘 ! 經過今次之後落過雨都唔再開咁快啦 ...................

2個月--JoEy

時間都唔知過得快定慢.以我地的感覺唔似拍左2個月咁少.但其實得2個月咁少.
有一種奇怪的感覺.唔知呢種感覺係好定壞.總之就係奇怪.hehe^2^
Sorry,今個月的21號不能同你一齊過,但希望以後的21號都同你過.^^
此篇Blog由JoEy本人打的

踢足球 + 電單車

我呢張相係咪好靚呀 !!
4月8日 一早起身約左班 friend 去九龍灣會展踼波, 天氣唔錯又唔曬, 好適合踢波, 等齊人即刻開波, 連續踢左兩個鐘頭都冇休息, 勁呀 !! 今日雖然我無入到波不過都踢得好開心, 之後走左去沖涼, 嘩嘩嘩, 舒服晒 ! ^_^

沖涼個時個 friend 話買左部電單車, 咁咪即刻落去睇下先, 好大部好型呀. 佢仲問我想唔想試下, 我當然唔會放過呢個機會啦, 馬上跳上個位戴好頭盔, 呢架車仲比我之前個部重好多, 起步比較慢, 不過後段都幾快 . 我圍住九展兜左一個圈 , 估唔到我係燈位前死火, 好瘀呀 !! 原來我用左4波開車, 架車陣一陣即刻死火, 應該落翻1波先開車, 完全唔記得左添, 好耐未玩過感覺都唔錯, 有沖動即刻買部同佢一齊玩, 不過諗諗下都唔好, 始終電單車比私家車危險, 試完就歸家了.

中山+古兜溫泉+澳門之旅

TONY & JoEy 第一次旅行 , 好開心呀 !!

第1日 )
好早起身呀 , 呢個油麻地旅遊都唔知係咪玩野 , 6:45am 要係中港城集合 . 攪到我要 5:30am 出門口,5:00am 要起身, 唉 !!!! (( 勁眼訓 )) 約左JoEy 6:00am 係大學火車站等一齊再去中港城 . 去到點左名仲有10分鐘即刻走去 M 記食左過早晨全餐 , 好飽 ! 之後坐船去中山 , 大約1小時30分到左中山 , 估唔到個領隊帶我地去食早餐 , 中山至出名的乳鴿 . 唉 ! 比佢激死 , 早知唔食早餐 ....... 跟住又帶我地去食 lunch , D 野食都 ok , 呢個團比我感覺好似食多過玩 , 不過算啦 , 我都係至在放吓假休息吓 , 冇所謂啦 !

到左傍晚坐車去古兜溫泉 , 食埋新會地道晚餐 , 都幾好食 .好興奮呀 , 急不及待放低晒 D 行李 , 即刻係酒店影左幾張相 , 之後就可以同 JoEy 一齊去浸溫泉 . ^_^ . 我仲同D魚仔一齊浸溫泉 , D魚係咁咀我, 都幾好玩 .

第2日)

訓到差唔多9點左右起身 , 跟住去左食早餐 , 再去中山四圍參觀 , 同埋個團又帶你買呢樣買個樣,不過算啦預左會係咁 , 第2日感覺有 D 悶 . 到左下午領隊放左我地係拱北自己去過關去澳門 . 過左關之後 , 拾左酒店車去酒店 , 放低 D 行李 , 之後搭的士去個 friend 介紹個間食葡國菜,點知上到的士 , 個司機話專做遊客生意 , 咁我地問個司機有咩好介紹 , 佢車左我地去一間餐廳 , 點知我地打開一邊門 , 唔對路一個人都冇 , 即刻走人去第二間 . 行左幾條街搵到一間有幾枱人咪走入去囉 . 點知入到去坐底 , 大件事 !! 個侍應用英文同我地講野 , 好彩我地 D 英文都唔差完全應付得到 . 哈哈 ^_^........

叫左一個湯 , 牛扒 , 咖哩蝦 & 沙律 , 樣樣都好好味 , 澳門D 野食真係好味 , 去多幾次都唔驚 , 食飽之後拖住 JoEy 慢步行返酒店 , 好舒服呀 .

返到酒店地下見到有間賭場 , 過到黎澳門冇理由唔玩咪惷 , 所以咪走左入去玩下老虎機 , 點知冇晒拉個種 , 都唔好玩 . 走左去玩百家樂 , 見到一個人勁黑仔買咩都輸 . 咁我同 JoEy 咪坐底玩左幾鋪 , 佢買咩我地買相反 , 好邪呀竟然 win 左幾佰蚊 , 即刻走人費事比人打 , 返左上房同 JoEy 一齊訓 .

第3日)

唔知係咪尋晚太攰 JoEy 隻大懶豬完全唔想起身 , 不停攪佢都唔起身 , 到最後攪到 11點先起身 , 比佢激死 . 酒店包埋早餐 & lunch 自助餐 , 我地為有去食 lunch 自助餐 , 點知 D 食物完全唔掂 , 我地即刻走左去 "大利來" 食澳門最出名的朱扒飽 . 唉 , 估唔到要下午3點後先有得食 , 好失望 !!不過佢同我講有朱扒餐飽 , 咁都好可以試下 , 仲叫左個牛腩面 , 一塊炸朱扒 & 可樂一支 , 都幾好味 Good .

拎住好多野, JoEy 提意去碼頭寄存 D 行李 , JoEy 你好叻呀 !! 咁都比你諗到 . 跟住坐左 $20 人力單車去漁人碼頭影下相 . 原來漁人碼頭傍邊就係金沙賭場 , 又未夠時間去觀光塔食 tea , 心郁郁想入去睇吓 , 到最後都係入左去玩左一陣 . 玩老虎機好好彩呀 , JoEy 白白痴痴咁用左5個 coins 買左同一行 , 點知比佢仲左 $500 元 , 開心死 , 即刻拎晒出黎 , D 錢跌出黎噹噹聲好有滿足感 , 身邊好多人望住我地添 . 諗住走人 , 點知又比個百家樂吸引住 , 又遇到個黑仔買咩野都係輸 , 我同 JoEy 即刻坐低 , 佢買莊我地買閒同佢相反 , 哈哈又 win 好好彩 , 唔理咁多 win 左少少即走 , 今次個團費好多謝澳門 D 賭場幫助 , THANKS !!!!

諗住搭巴士去觀光塔參觀同埋食 TEA , WIN 左冇理由搭巴士 , 豪一次撘的士去 , 哈哈 ^_^ 去到個觀光塔到四周圍影下相 , 最特別係食 TEA 自助餐 , 一路食一路轉 , 望到晒全個澳門 , 好浪漫呀 ! 我諗夜晚去食會更加好情調 D .

跟住撘左巴士去大三巴影下相同埋買左鉅記手信 , 之後去左"六記 " 食竹升面 , D 蝦子面超級好味 , 冇得頂 , 下次一定會再去過 , 不過記住要 6:30 後先好去呀 ! 都差唔多要走 , 於是搭的士去碼頭返香港 .

3日的旅行就此完結 , 澳門真係好吸引 , 我諗好快我會再去過 . HE HE .....

花卉展

我係願望樹寫左句野係真心架 . ^_^

感動-JoEy

今日本身預左自己搭的士去瑪嘉烈搵Angela拎Fancl House Mask.拎完佢先黎車我返屋企.但點知5點半佢打俾我話o係我公司樓下等我,車我過去.o個刻純粹以為佢去完客度無返公司,所以無咩特別feel.點知落到去原來唔係.佢特登過黎車我過去.o個刻真係好感動呀!多謝晒你.希望你以後的日子都可以對我咁好啦! (好貪心吧^.^)但女人係貪心的.hehe ^6^
去完瑪嘉烈之後就去大圍食雞粥.食完就車我返馬鞍山.去左一個地方,大家o係車上研究下澳門之旅.then大家攬埋一齊,好有安全感,好舒服哦!我好鐘意攬住你的感覺.
此篇Blog由JoEy本人打的

睇得太重 - JoEy

昨日同佢+表姐上左深圳按摩.所有事都好好的,但佢竟然可以因為覺得上面危險+唔想太早起身去踢波而放棄了我,掉低我同表姐o係上面.第一次在深圳無男仔o係我身邊.有點驚.佢問我嬲唔嬲,其實佢走o個刻我都唔係好驚,都無咩,都同佢講唔嬲,但到今朝愈想愈覺得佢好過份.所以就好嬲喇.
佢打左好多次電話俾我,我都無聽!俾佢知道我都會有危險的.要佢擔心下.佢走左就預左我嬲仲要走,死未?!!!!!!!!拍拖唔夠一個星期可以咁對我,點知你以後仲可以點對我.唉~!算吧啦!!!

也許一切不應看得太重,因為到頭來得到傷害的都是自己.
我今日起決定學懂怎樣拍拖.朋友們,有空可教教我哦,我好耐無拍拖,有點兒唔識拍拖呀,hehe^^
此篇Blog由JoEy本人打的.

221成立日 -JoEy

今日很開心.其實不知是否應該很開心.因為我感到害怕!害怕再一次的失去! 害怕緣份不知甚麼時候來,不知甚麼時候離我而去.
今日o係淺水灣我地算是一齊了. 我都唔太記得我地係點開始了.也許一切都是順其自然吧!同佢一齊的感覺好實在,好有安全感,好開心.但當大家分開左返到屋企,就會好驚,好驚唔知幾時會失去佢.唔係因為我太愛佢,而係我已經唔想再投入另一次感情,咁會令我好痛苦!希望呢一次係最後一次吧!
此篇Blog由JoEy本人打的.

過年=無聊

新年快樂,祝你心想事成,同埋祝自己生日個日許左個願望可以實現到就好啦 !!!!!!!!!!!!!

大年初一, 差唔多11點到手提響 ,完全唔想起身聽,最後都係聽左,阿爸叫我返去逗利事,同埋約左腳陪佢打麻雀,唉 ....... 每一年都好似係咁 , 勁無聊 .
打到6點到 , 好彩阿哥返黎即刻話好攰比左佢打. haha

大年初二, 10點半又收到電話,今次阿爸話 "快D返黎食開年飯,同埋伯母今日會黎拜年,即刻返黎 ". 唉..... 咁早食飯 , 我連早餐都未食野就要食飯 .為有起身洗頭沖涼 , 都差唔多1點先過到去,個個原來等我食飯,有 D唔係幾好意思,不過算啦過年冇人會怪我呱 .2點到伯母同埋堂細老到左佢地又開枱.
唉............................勁無聊 , 好彩夠晒腳我唔使打. 我同堂細老即刻開戰打 PSP新GAME - MONSTER HUNTER . 呢隻 GAME已經等左半年, 好期待呢個時刻 , 哈哈 .

米老鼠車車用品

今日一早起身10點左右楂部車去洗白白,點知去到佢話會員要今晚7點後先可以洗,頂佢又唔一早講 . 尋晚已經約左JoEy一齊去深水埗買米老鼠車車裝飾品,點知打比佢仲係張床,只好返屋企先,12點再出去.
去到深水埗唔係好識路,兜黎兜去都搵唔到,慘......... 最後去左始創泊底架車,同埋都未食過野有d肚餓,上到1樓見到間"活"壽司即刻走入去食.哈哈,都幾好味,下次要試多d野先得 .跟住行左幾條街去買米老鼠車車用品,行左幾間終於決定買左兩個米老鼠頭枕,安全帶扣,同埋米奇BB倒後境. 急不及待即刻掛晒係架車到 , 好靚呀,我架車即刻變左米奇車一樣 , 多謝晒你送左呢 d 野比我 . ^_^