tony

4.26.2008

3.20.2008

JoEy & Tony 愛之屋

忙完婚前ge準備又到準備新屋企ge事.
上星期已經好努力咁買晒電視,雪櫃,洗衣機,梳化.呢個星期就送貨.仲有衣櫃未買.其他ge都等佢家姐搬左我地就搬晒黎用.yeah^3^
但都好累囉,快d搬快d搬,搬完就可以真正抖抖同埋過我o地o既2人世界!應該你幾開心ge.......但諗起無飯食,無飯帶,又要做屋企ge家務即刻有d唔開心.哈哈^^

3.04.2008

2/3終於影晒所有婚紗相喇!!! Yeah yeah ^^
3/3終於試妝ok! book左Beauty Tech的新店Cala. um….其實我都唔知係咪好好,我淨係知價錢幾貴但化ge妝又真係幾好囉,起碼D輪廓會出返黎.但個髮型就麻麻地.唯有繼續努力搵D靚ge髮型俾佢整.相反金都o個間就相反,個妝唔係幾得,但髮型就ok.加上呢度係2個人分開化ge,好似感覺上有足夠ge時間俾化妝師化我塊面,因為自知自己隻眼好難攪.哈哈^^所以世上真係無兩全其美.
算係咁喇,完成左2件事.唔洗再咁累喇.太好了.
但而家又開始忙睇傢俬,買傢俬.預備復活節搬屋.努力努力!!!!
搬完屋就努力搵攝影搵衫.加油加油!!!

2.25.2008

第一輯婚紗相的造型(珠海影)

呢4套已經係揀無可揀下揀ge.o個度ge選擇真係唔多.我本人最鐘意當然係沙灘啦,山長水遠去到珠海影都係為左沙灘同隻馬.所以最後我都揀一套最青春去配合呢個景.I like it.至於宮廷都幾特別,但得2套揀,呢套算係咁ga喇.另一套仲衰.至於拖尾婚紗個頭我就鐘意,但套衫就有d成熟.粉紅色呢套晚裝好多人讚靚,夠成熟有韻味,正因為夠成熟有韻味,所以我最唔鐘意.因為我以青春為主題.哈哈^^希望下星期香港影o個輯會青春D啦.

2.23.2008

珠海中邦商務酒店

呢間酒店外表幾靚,但原來里面仲靚,但真係情侶去就好D,因為個廁所係OPEN的,當然坐廁o個度就有門啦.沖涼房就全間玻璃屋咁.好靚.但最好係係情侶先去住囉,就係因為透明,所以........佢條百葉鍊係外面拉ge.張床就好大張,好正.

2.22.2008

1週年紀念+求婚記

今日係我們的大日子.登登登..........拍拖一週年紀念.仲有仲有...........佢向我求婚了.其實之前都求過一次,只係我覺得太兒戲,唔應承,加上太細隻介指了.哈哈^^

雖然我都會估到今日佢會向我求婚,因為佢之前都提過就算求婚都會o係我地指拖一週年紀念度求.所以估到少少.......亦都雖然求婚過程比佢計劃ge有出入,但一樣被感動了.流下了感動ge淚水.整個過程應該算係順利開心.但最後發生左d小插曲,攪到我地好尷尬添.就係佢求完婚後,竟然見到個中學同學,仲要坐我地隔離台.佢d朋友見證住我地求婚過程,佢黎到即刻話佢聽頭先就係我bf向我求婚,佢連忙恭喜我地.仲問我會唔會請佢去飲,梗係會啦.預左你ge.不過o個刻真係幾尷尬.

我覺得呢間森巴d食物幾好味呀!唔錯.不過價錢唔係平囉.我地每人叫左一個餐.埋單$400食左勁飽.下次可以2個人食一個貴d ge餐可能會好D.

2.20.2008

我們的絲花球

今日終於可以去拎我們的絲花球.呢個絲花球係for香港新天地影婚紗相同埋結婚BD o個日拋花球用ge.唔知邊個姊妹會接到呢?呢個花球係用我精心挑選ge花同design出黎ga.希望接到ge o個位姊妹可以早d嫁出啦.hehe^^

2.17.2008

試妝的辛苦

過年前book左今日去試妝.真係純粹想試試自己適合d咩妝,咩style,而無諗過真係要落訂要用呢間.因為無比較真係唔知點?所以到最後我都係決定試多1,2間先決定. 今日個妝其實都可以,但...........................無比較所以都係.........算吧啦. 努力搵多2間自己想join ge公司先. 但經過今日試妝真係知道好辛苦好辛苦呀!!!!!!!好累哦!坐定定4個鐘.肩膀都痛,係痛呀,唔係累呀!想死>.<

2.14.2008

情人節

今年係正正式式同你一齊過ge第一個亦係最後一個婚前情人節.唔知結婚後係咪都有花收呢?hehe^^

不過......今年都唔見得你有準備.所以收完你扎花都有d嬲.最後........我選擇去"m記"食同一個餐當係情侶套餐,去到"m記"我d火已經熄滅左,所以最後都可以開開心心同你過一個開心ge情人節.食完仲買左d靚靚甜品返屋企食.多謝你送俾我札米奇花同埋隻錶,而我就只送左對毛毛鞋俾你,因為我都想你暖.yeah^3^